الى محبي الجيلي كولا تشيز كيك الكولا…فظيع بجد وخفيف جدا ..جربت وصفات كتير دي …

الى محبي الجيلي كولا ?
تشيز كيك الكولا…فظيع بجد وخفيف جدا ..جربت وصفات كتير دي افضلهم ❣️ومن غير اطعمه متسامحه ?
الطبقه الاولى …
معلقه كبيره نخاله .مع كيس سكر دايت.مع نص معلقه زيت او لو متاح عندك بديل الزبده .مع معلقه لبن لغايه ماتكون شبه الرمل المبلول كده تفرديها كويس في القالب وتحت الشوايه عشر دقائق لغايه ما تنشف وتاخد لون نسيبها تبرد..
الطبقه التانيه ??
..في المضرب الكهربا …ربع كوب جبنه كريمي ..م ك لبن بودره..معلقتين زبادي ..كيسين سكر..فانيليا ..ربع كوب كولا لايت اول ما تغلي نقلب فيها م ك جيلاتين ..تضربيهم لغايه ما يندمجوا كويس جدا ونسيبهم على جنب ????❗️❗️ التكه دي اللي عملت فرق واللي بيها تحسي إنه خفيف وبيدوب في البق كده مش جبنه وتقيله ..
٢ بياض بيض في المضرب ناشف ونظيف عليهم ربع م ص ملح ونضربهم لما ينفشوا ….
ع النار تلات م ك سكر دايت ومعلقه ميه لغايه ما يكون لونه دهبي مش يتكرمل نشغل المضرب على البياض وننزل بالسكر بالراحه خالص والمضرب شغال…نلاحظ أن البياض نفش اكتر …
هنجيب بقى خليط الجبنه ونبدا نزود عليه البياض معلقه معلقه بالراحه ….
?? الطبقه التالته …نص كوب كولا لايت ع النار اول ما تغلي ننزل بمعلقه جيلاتين ونقلب كويس لغايه ما تدوب وبعدين نضيف عليها بقيت الكولا ونقلب ولما الطبقه التانيه تمسك شويه في التلاجه نضيف الطبقه التالته …
بجد لذيذ حتى لو الطريقه طويله شويه بس مختلف وتحسي انك واقعه في كيس جيلي كولا ???? #diet #dukan #dukandiet #dukanfood #dukanrecipes #lifestyle #healthyfood #دايت #دايت_صحي #اكلات_صحية #دوكان #دوكان_دايت #وصفات_دايت #وصفات_دوكان #حياة_صحية

Source